Ayon sa ulat ng Department of Science and Technology–Philippine Atmospheric, Geophysical and Astronomical Services Administration (DOST-PAGASA), kasalukuyan nang nararanasan ang El Niño sa Tropical Pacific.
Noong Mayo, naitala ang relative sea surface temperature anomaly (rSSTA) na umabot sa +0.5°C threshold. Dagdag pa ng ahensya, ipinapakita ng karamihan sa mga climate model na may 80 porsiyentong posibilidad na tuluyang mabuo ang isang ganap na El Niño event, na maaaring magpatuloy hanggang sa unang bahagi ng 2027.
Ang El Niño ay ang warm phase ng El Niño-Southern Oscillation (ENSO). Ito ay nailalarawan ng mas mataas kaysa karaniwang sea surface temperatures (SSTs) sa gitna at silangang bahagi ng equatorial Pacific Ocean, at karaniwang mas mababa kaysa normal na SSTs sa Philippine Sea.
Karaniwang nagdudulot ang El Niño ng mas mataas na posibilidad ng below-normal rainfall conditions sa iba't ibang bahagi ng bansa, na maaaring magpataas ng panganib ng dry spells at tagtuyot, partikular sa mga lugar na maaaring maapektuhan.
Samantala, maaari namang makaranas ng above-normal rainfall conditions ang kanlurang bahagi ng bansa sa panahon ng southwest monsoon o habagat, lalo na kung sasabayan o palalakasin ito ng tropical cyclone.
Ipagpapatuloy ng DOST-PAGASA ang pagmomonitor sa El Niño at sa lagay ng klima sa bansa.
Gayunpaman, hinihikayat nito ang mga ahensya ng pamahalaan at ang publiko na maging handa sa mga posibleng epekto nito, lalo na sa mga lugar na maaaring maapektuhan ng matinding pag-ulan at pagbaha tuwing panahon ng habagat, gayundin sa mga lugar na maaaring makaranas ng below-normal rainfall conditions.
Written by Daryl
Daryl is a dedicated campus journalist and contributor. Their insightful writing sparks meaningful conversations and keeps the community informed.
