Mag-aalok ng libreng sakay ang pamunuan Metro Rail Transit (MRT-3) sa limitadong oras sa Araw ng Kalayaan, Hunyo 12.
Sa advisory na inilabas nitong Biyernes ng Department of Transportation (DOTr-MRT-3), maaaring i-avail ng mga pasahero ang libreng sakay sa lahat ng istasyon ng MRT-3 sa oras na mula alas-7:00 ng umaga hanggang alas-9:00 ng umaga, at mula alas-5:00 ng hapon hanggang alas-7:00 ng gabi.
Ayon sa DOTr-MRT-3, ang inisyatibong ito ay para makiisa sa pagdiriwang ng Araw ng Kalayaan ng bansa.
Idineklara ng Malacañang ang Hunyo 12 bilang isang regular holiday bilang paggunita sa kasarinlan ng bansa.
Kasabay ng pagdiwang, inaasahang makikinabang ang bawat pasahero sa libreng sakay ng MRT-3, isang makasaysayang hakbang na naglalayong pagsabayin ang paggunita ng kasaysayan at pagbibigay ng serbisyo sa mamamayan.
Written by Isaiah Adorza
Isaiah Adorza is a dedicated campus journalist and contributor. Their insightful writing sparks meaningful conversations and keeps the community informed.
