Nagpadala ang Office of the Vice President (OVP) ng Kalusugan Food Truck (KFT) upang maghatid ng pagkain sa mga frontliners at responders na patuloy na nagsasagawa ng rescue at search operations matapos ang 7.8 magnitude na lindol na tumama sa Southern Mindanao.
Ipinuwesto ang food truck sa Barangay Calumpang, General Santos City sa South Cotabato.
Isa ito sa mga lugar na lubos na naapektuhan ng malakas na pagyanig.
Ayon sa OVP Southern Mindanao Satellite Office, tinatayang 250 frontliners at responders ang nakinabang sa serbisyo ng KFT.
Patuloy nilang ginagawa ang operasyon sa gitna ng patuloy na pagtulong sa mga apektadong residente.
Sinabi rin ng OVP na patuloy nitong mino-monitor ang sitwasyon sa mga apektadong lugar.
Nakahanda rin itong maghatid ng karagdagang tulong sa mga komunidad na nangangailangan.
Written by Daryl
Daryl is a dedicated campus journalist and contributor. Their insightful writing sparks meaningful conversations and keeps the community informed.
