BALANGA CITY, Bataan — Nagsampa ng opisyal na kaso si Manila 6th District Representative Bienvenido Abante Jr. laban sa 18 na ‘former bodyguards’ umano ng dating kinatawan ng Ako Bicol Party-list na si Representative Elizaldy “Zaldy” Co.
Ayon sa ulat, kabilang si Abante sa mga kongresistang nasangkot sa umano’y pagtanggap ng ‘maleta’ na naglalaman ng mga kinurakot na pondo ng bayan, kaugnay ng mga anomalya sa proyektong kontra-baha.
Mariin namang kinondena ito ni Abante, kung saan niya binigyang kumento ang naturang paratang laban sa kanya na “incorrect, baseless, and misleading.”
Iginiit din ng kongresista na posibleng may kinalaman umano ang naging pahayag laban sa kanya, sa pagsuporta nito sa paglilitis sa kasong ‘impeachment’ ni Vice President Sara Duterte.
Kinuwestiyon ni Abante ang kredibilidad ng alegasyon ng mga ‘ex-Marines,’ kasabay ng paghamon nitong maglabas muna ng ebidensya bago pa man maglabas ng impormasyon.
Mayroon ding iba pang mga kasong nakahain laban sa mga ito na siyang isinampa ng mga kapwa-kongresista ni Abante na naidawit din sa nabanggit na isyu. Kabilang sa mga ito ay sina Representative Julienne Baronda at Rep. Joel Chua.
Bukod pa sa mga nasabing kongresista, nauna na ring nagpahayag si Senador Erwin Tulfo noong Sabado nang pagbabalak na maghain ng kaso laban sa mga alegasyong binitawan sa kanya, kapareho ng kay Abante.
Written by Seven Muñoz
Seven Muñoz is a dedicated campus journalist and contributor. Their insightful writing sparks meaningful conversations and keeps the community informed.
