Hinikayat ni Negros Occidental 1st District Rep. Jules Ledesma ang mga lokal na pamahalaan sa kaniyang distrito na ideklarang persona non grata si Senator Alan Peter Cayetano.
Ginawa ni Ledesma ang panawagan kasunod ng mga naganap sa Senado sa ilalim ng liderato ni Cayetano.
Sa kaniyang pahayag, sinabi ng kongresista na hindi ito ang unang pagkakataong nasangkot ang senador sa mga pangyayaring aniya’y may kaugnayan sa pagganap nito bilang mambabatas.
“You've done this twice. Trivializing your duty as a legislator,” ani Ledesma.
Nagsilbi ring ika-26 na House Speaker ng ika-18 Kongreso si Cayetano bago ito mahalal bilang senador.
Sa ngayon, wala pang inilalabas na opisyal na pahayag si Cayetano kaugnay ng panawagan ni Ledesma.
Written by Jan Gabrielle Visda
Jan Gabrielle Visda is a dedicated campus journalist and contributor. Their insightful writing sparks meaningful conversations and keeps the community informed.
