Nilinaw ni Senador Robinhood “Robin” Padilla nitong Sabado, Hunyo 6, na wala siyang kaaway sa Senado kabila ng umiiral na isyu hinggil sa pagpapalit ng liderato sa kapulungan.
Sa isang opisyal na pahayag na ibinahagi ng mambabatas sa kanyang Facebook post, binigyang-diin ng senador na kadugtong ng kanyang pananampalataya ang unang pagbati sa lahat ng kanyang mga kasama sa plenaryo, maging sila man ay kabilang sa kontra partido.
Ipinaliwanag ng mambabatas na ang pagpapanatili ng kapayapaan at magandang pakikitungo sa bawat kasamahan sa trabaho ay isang mahalagang bahagi ng kanyang paniniwala, anuman ang panig o partidong kinabibilangan ng mga ito sa pulitika.
Iginiit din ni Padilla na hindi siya isang huwes para makipagtalastasan ng desisyon sa usapin kung sino ang tama at mali.
Tahasang isinaad ng mambabatas na hindi siya naghahanap ng gulo at layon lamang nitong magpakita ng respeto sa kanyang mga kasamahan sa mataas na kapulungan ng Kongreso habang kinahaharap ang isyu ng balasahan sa pamunuan.
Written by Jasmine Parohinog
Jasmine Parohinog is a dedicated campus journalist and contributor. Their insightful writing sparks meaningful conversations and keeps the community informed.
