Kinumpirma ng Office of the Vice President (OVP) na natanggap na nila ang writ of summons at Articles of Impeachment noong umaga ng Miyerkules, Mayo 20, bilang tugon sa dokumentong inilabas ng impeachment court matapos aprubahan ng Senado ang mosyon para pag-utusan si Duterte na sagutin ang mga alegasyon.
Batay sa mga patakarang pinagtibay ng Impeachment Court, may 10 kalendaryong araw si Duterte mula sa pagtanggap ng summons upang magsumite ng kanyang tugon, kung hindi ay magpapatuloy ang paglilitis.
Umaasa naman si House Impeachment Prosecutor Representative Terry Ridon na direktang sasagutin ng bise presidente ang mga paratang na nakasaad sa Articles of Impeachment.
Nauna nang sinabi ng kampo ni Duterte, sa pamamagitan ng kanyang abogado na si Michael Poa, na maghahain sila ng kaukulang tugon sa summons na inilabas ng Impeachment Court.
Kabilang sa mga reklamong kinahaharap ng bise ang mga alegasyon ng betrayal of public trust, graft and corruption, culpable violation of the Constitution, at iba pang matataas na krimen.
Kapag nakapagsumite na si Duterte ng kanyang sagot, magkakaroon naman ng limang araw ang House prosecution panel upang maghain ng kanilang tugon.
Written by Paolo Baya-on
Paolo Baya-on is a dedicated campus journalist and contributor. Their insightful writing sparks meaningful conversations and keeps the community informed.
